• Pirionkurs
• På saklista

Kurs: Pirion - kulturformdiling i barnehagen

Pirion-kurset rettar seg mot det pedagogiske personalet i barnehagane og har som føremål å auka refleksjonen kring barnehagen si rolle som kulturformidlar i det moderne mediesamfunnet.  Pirion-kurset leverer og innspel til det praktiske arbeidet i barnehagen.

Pirionkursa kan tilretteleggast for store og små grupper. Kontakt Astrid Eidhammer Hjelmeland, telefon 52 79 04 84, mobil 971 94 788. Du kan og lese meir om Pirionkursa på Pirion sine heimesider.

Til toppen

KURS: "På saklista"

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). I 1994 gav vi ut "På saklista", eit kurshefte i nynorsk språk- og dokumentlære for medarbeidarar i kommunar og fylkeskommunar. Heftet er no kome i nytt opplag.

Dette heftet er første steget i arbeidet vårt med å utvikla eit tilsvarande praktisk hjelpemiddel for statstilsette.

Sjølv om heftet "står på eigne bein", og kan lesast som ei sjølvstendig lærebok, er det og grunnboka i eit kursopplegg som LNK tilbyr. Kursa går over ein eller to dagar og kurshaldarane er høgt kvalifiserte. Vi kan tilby kursa våre over heile landet.

Målgruppa for kurset er både sentrale statsetatar og regional og lokal statsforvaltning. Kurset tek utgangspunkt i og er tilpassa dei konkrete behova vi ser at nynorskbrukarane i forvaltninga har.

Hovudforfattar av kurshefta er Jan Olav Fretland, førsteamanuensis ved Høgskulen i Sogn og Fjordane.

På saklista i pdf-format

Til toppen

Til toppen