35 prosjekt får no 32 millionar kroner til å arbeide med bulyst. Ein av dei er Gildeskål kommune som neste år skal arrangere Elias Blix - jubileum.

Gildeskål kommune får 500.000 kroner til å starte eit utviklingsarbeid i kommunen, med utgangspunkt i Elias Blix - jubileet som skal gå av stabelen i 2011.

- Det har vore eit krevjande arbeid å plukke ut dei beste av heile 260 søknadar, seier kommunal - og regionalminister Liv Signe Navarsete i ei pressemelding.

Målet med Bulyst - satsinga er å utvikle endå meir attraktive lokalsamfunn over heile landet. Tema som går igjen i søknadane er : omdømme, kulturbasert stad - og næringsutvikling i tillegg til prosjekt for å skaffe bustadar. Viktige målgrupper for satsinga no er kvinner, ungdom og innvandrarar.

- Regjeringa har arbeidd med ulike prosjekt for å skape attraktive lokalsamfunn og bulyst sidan me lanserte Distriksløftet i 2005. Me har lært kor viktig det er at utviklingsarbeidet er godt forankra, og at fleire aktørar samarbeider, seier Navarsete.