|
|||
| Nynorsk i fritt fall |
|
Nynorsken er i fritt fall i storbyane. I Stavanger har talet på nynorskelevar gått ned med 86 prosent sidan 2003, skriv Rogalands Avis.Tal frå Grunnskolens informasjonssystem (GSI) viser at talet på nynorskelevar går ned i storbyane. I Trondheim er det ingen, heller ikkje i Tromsø eller Kristiansand er det nynorskelevar. I Oslo er det ein elev som har nynorsk som hovudmål, medan det i Bergen er 3,5 prosent. I Stavanger er det totalt 36 nynorskelevar, noko som utgjer 0,2 prosent. – I ei medieverd prega av bokmål, vil barn som har nynorsk få eit fortrinn ved å kunne to språk som dei elles ikkje ville fått. Det er også viktig å satse på nynorsk når det andre språket er under eit sterkt press frå dei engelske språka, seier Anne Kalvig, som er mor til ein av nynorskelevane i Stavanger, til Rogalands Avis. |
| Sist oppdatert ( måndag 23. august 2010 18:47 ) |
