Stortinget må bruke tvang for å slå saman små kommunar, meiner NHO-sjef John G. Bernander.

 – Stortinget må ikkje abdisere frå sin fordømte rolle, nemleg å sikre den forvaltninga av landet som gir best mogleg resultat. Valfridom har ikkje gitt nokon storm av resultat, seier Bernander til Dagens Næringsliv.

Bernander meiner at større kommunar er meir effektive enn små og at det også er noko NHO sine 20.000 medlemsbedrifter vil tene på. Han viser til ei fersk NHO-undersøking der sju av ti ordførarar og åtte av ti rådmenn seier dei ser føremoner ved kommunesamanslåing.

Samstundes seier fire av ti at det ikkje blir lagt tilstrekkelege føringar frå sentralt hold til at fleire kommunar slår seg saman.

– Ein effektiv offentleg sektor og kvalitativt robuste tenester er kjempeviktig for bedriftene. Me er også opptekne av å trekkje til oss kompetanse. Då spelar helse, velferds- og ikkje minst skuletilbodet ei stor rolle, seier Bernander til DN. (NPK)