- Ottar Grepstad har skrive ei mangfaldig og rik pressesoge. Han bryt nytt land, skriv Harald Stanghelle i Aftenposten.

Stanghelle legg vekt på at Grepstad ikkje minst har som den første analysert soga om kor avgjerande NRK vart for nynorsk som mediespråk, likevel trur Harald Stanghelle at nynorskpressa er meir fargerik enn Grepstad si bok Avisene som utvida Noreg.

Grepstad meiner i boka at det er blitt rausare kår for nynorsken, også i dei store riksavisene. Stanghelle er samd i dette, men trur ikkje Grepstad har mykje forståing for dei som argumenterer for eigenverdet ved at ei avis har eit gjennomført språk frå første til siste side. Kommentaren til Stanghelle er til dømes skrive på nynorsk denne gongen, men han legg ikkje skjul på at det er eit unnatak.

Stanghelle meiner også at draumen om ei stor, nynorsk riksavis er eit luftslott og at den ekte nynorske pressemakta ligg i lokalavisene.

Les kommentaren her.