Kopinor-direktør Yngve Slettholm vart i statsråd fredag utnemnd til ny leiar av Kulturrådet.

Den tidlegare KrF-politikaren tek dermed over for Bentein Baardson frå nyttår.

Asta Busingye Lydersen er samtidig utnemnd til første nestleiar, mens Arnfinn Bjerkestrand blir andre nestleiar i rådet. Marianne Olsen og Iren Reppen er nye medlemmer i rådet dei neste fire åra.

Arne Fagerholt og Ingar Sletten Kolloen tar over plassane til Ingrid Lorentzen og Olaug Nilssen i 2012 og 2013. Lorentzen og Nilssen har begge bedt om fritak frå verva sine resten av rådsperioden.

Norsk kulturråd forvaltar Norsk kulturfond og er eit rådgivande organ for staten i kulturspørsmål. Rådet har ti medlemmer som sit for ein periode på fire år. Halvparten av medlemmene blir bytte ut annakvart år.

Det nye Kulturrådet

* Yngve Slettholm, Oslo, leiar

* Asta Busingye Lydersen, Oslo, første nestleiar

* Arnfinn Bjerkestrand, Oslo, andre nestleiar

* Marianne Olsen, Tromsø

* Iren Reppen, Tromsø

* Arne Fagerholt, Orkdal

* Ingar Sletten Kolloen, Lillehammer

* Solveig Øvstebø, Kvinnherad

* Erik Fosnes Hansen, Oslo

* Gro Persson, Sandnes

* Varamedlemmer 2012– 2015: Geir Harald Samuelsen og Luba Kuzovnikova

* Varamedlemmer 2009– 2013: Corinne Lyche Campos og Harald Solberg

. (©NPK)