Olje- og energiminister Ola Borten Moe vil ikkje bruke den nye namnelista for norske olje- og gassfelt som Språkrådet har utarbeidd.

Noko av det første Ola Borten Moe gjorde då han tok over som olje- og energiminister i mars i år var å innføre ny namnepolitikk på sokkelen, skriv Teknisk Ukeblad. Han oppretta mellom anna ei namnegruppe, som skal bistå Olje- og energidepartementet i val av navn på nye felt på norsk sokkel.

Oljedirektøratet har bedt Språkrådet om å utarbeide ei ny namneliste for petroleumsfelt basert på norrøne namn. Denne lista ønskjer altså ikkje Borten Moe å nytte. Det respekterer OD.

– Språk og namn engasjerer mange nordmenn, også oss i Oljedirektoratet, seier pressetalsmann i OD, Bjørn Rasen, til Teknisk Ukeblad.

– Når så departementet set ned ei eiga gruppe til å bistå, så respekterer vi sjølvsagt det. Det er resultatet som tel. Og aller viktigast er maksimal utvinning frå desse felta, til det beste for heile nasjonen. Kor vidt lista blir brukt eller ikkje, overlet vi til departementet sit nye namneråd å ta stilling til, held han fram.

Den nye namnelista frå Språkrådet inneheld namn frå norrøn mytologi og historiske namn frå vikingtida og middelalderen.