Jakta på beinet er ein digital læringsressurs som finst på www.hundespor.no.

Barna følgjer ein kvelp som har mista beinet sitt, og historia utfaldar seg i fire ulike miljø: i skogen, på fjellet, ved sjøen og i lufta. Undervegs får barna utfordringar som knyter seg til fagområda matematikk, samfunnsfag og norsk. I tillegg får barna opplest replikkar på det språket dei ønskjer: albansk, arabisk, engelsk, finsk, samisk, somali, tyrkisk og urdu, i tillegg til nynorsk og bokmål. Ein kan velje å høyre replikkane på ulike språk før ein går vidare.

Les også: Troll i ord - eventyrleg språkopplæring

I tillegg til Jakta på beinet finst det ei bok som heiter Kvalpen og eg, Mi fyrste skulebok. Her får barna bli med kvalpen inn i kvardagslege situasjonar på skulen, i naturen og i nærmiljøet. Boka legg opp til samtale og oppgåveløysing, og introduserer barna for ei rekkje kvardagslege omgrep. Boka finst i einspråklege utgåver, men også i tospråklege versjonar på albansk, arabisk, engelsk, kurdisk, nordsamisk, serbokroatisk, somali, tamil, tyrkisk, urdu og vietnamesisk.

Det er Margareth Sandvik (førsteamanuensis ved Høgskolen i Oslo), Lise Alant (førstelektor ved Høgskolen i Oslo) og Grom design som har utvikla Jakta på beinet og Kvalpen og eg.