Diktarvegen
Målbruksplanar
Mot til å meina

DIKTARVEGEN

Spor etter fem kjende forfattarar skal lose deg langs Rv 13 frå Sandnes til Førde. Målet med prosjektet er å gjere Rv 13 om til den første litteraturruta i landet.

Her skal ein kunne få oppleve dei fem forfattarane : Arne Garborg frå Jæren, Rasmus Løland frå Ryfylke, Olav H Hauge frå Hardanger, Per Sivle frå Voss og Sogn og Jakob Sande frå Sunnfjord medan ein køyrer riksvegen.

Felles for desse forfattarane er at dei har sin eigen organisasjon og at det er på plass eller vert arbeidd med etablering av naturlege fysiske samlingspunkt rundt kvar av dei.

No har det vore oppstartkonferanse om Diktarvegen. Trykk her for å få program for konferansen.

Relaterte saker:
Riksveg 13 kan bli diktarveg
Rv 13 - ei litteraturrute
Stamvegstatus bra for Diktarvegen
Nyskapande vegprosjekt
Eit unikt prosjekt

MÅLBRUKSPLANAR

Meir enn 30 av LNK sine medlemskommunar har no vedteke eigne målbruksplanar. Dei fleste planane byggjer på ein mal som LNK har sendt ut, men dei fleste kommunane tilpassar malen med lokale justeringar.
-Målbruksplanar er viktige av di dei set språkspørsmål på dagsorden i kommunane og av di dei ofte plasserer ansvaret for kommunespråket hos ein etat eller avdeling. Planane fører til sikrare språkbruk hos tilsette og til ei meir medviten haldning i språkspørsmål generelt, seier dagleg leiar i LNK, Vidar Høviskeland.

Mal for målbruksplan - ei orientering
Ein målbruksplan i kommunen kan vere ein god reiskap til å skape debatt om og haldningar til korleis vi brukar språket. LNK oppmodar no alle medlemene om å nytte malen som eit utgangspunkt for diskusjon og endeleg vedtak om ein kommunal målbruksplan.

Malen bør drøftast internt, t.d. i eige eige arbeidsgrupper, og tilpassast dei konkrete tilhøva i kommunen før han blir lagt fram til endeleg behandling. Når planen er vedteken må han gjerast kjent for alle tilsette. Han bør plasserast i personalhandboka, og delast ut til alle nytilsette. LNK har sendt malen til ordførarane i medlemskommunane saman med ei oppmoding om å ta planen opp til politisk behandling.

Til malen høyrer to vedlegg som kan nyttast dersom ein ønskjer det: Utfyllande retningsliner og oversikt over praktiske hjelpemiddel.

Du kan lasta ned mal for målbruksplan her.

Opp

MOT TIL Å MEINA
I samarbeid med Kommunal- og regionaldepartementet gjennomfører kommunane Hjelmeland, Sauda og Time eit pilotprosjekt retta mot folk under 26 år. Målet er å snu trenden og auka det politiske engasjementet blant unge.

Det treårige prosjektet har som målsetjing å få fleire til å ta del i politisk arbeid, i politiske parti og politiske interesseorganisasjonar fram mot 2011. Hovudmålet er å auka talet på unge listekandidatar i kommune- og fylkestingsval, og at fleire får plass i kommunestyra. Prosjektet arbeider også for at det totalt blir større oppslutning i vallokalet frå denne gruppa ved neste kommuneval.

Sentralt i arbeidet står dei tre vidaregåande skulane som kommunane soknar til; Sauda, Strand og Bryne vgs. Det er sett ned ei gruppe med elevar frå dei tre vidaregåande skulane. Denne gruppa skal gi råd om korleis ein kan motivere ungdom til politisk engasjement og meine noko om kva som må til for få fleire ungdommar med i politisk arbeid.

Meir om Mot til å meina:

- Me vil og engasjere oss

54 prosent av ungdommane vil ikkje ha røysterett for 16-åringar

Opp